Thursday, October 17, 2013

તારી આંખો



એન્ટારટીકાનાં બર્ફિલા પવનોમાં 
સહરાની ધગધગતી રેત પર
આફ્રિકન જંગલી જંગલોમાં  
બુર્જે ખલીફાની ટોચ પર
ને મુંબઈની પરસેવાનુંમાં લોકલ ટ્રેઈન્સમાં
મને યાદ આવે
મોરિશિયસનાં
આસમાની પાણી
જેવી તારી આંખો !!!!

Wednesday, October 16, 2013

એ તું જ છે ....

એ તું જ છે ...



કાચની કાતિલ કરચો કરતાં
જે વધારે વાગે છે મને,
એ શું છે,
એ તને તો
ખબર હશે જ !


--
વાતચીતના વાસંતી વાયરા વિરમે
પછી યાદ થઈ જે વરસે,
એ તું છે,
એ તને તો
ખબર હશે જ !
 --


કાળીચૌદસની કાળી અંધારી રાતે
કરું આંખ બંધ ને
જે દેખાય
એ તું જ છે,
એ તને તો
ખબર હશે જ.
--
શરદપૂનમની રાતે
ચાંદની કરતાં પણ જે
વધારે દઝાડે છે
એ તું જ છે,
એ તને તો
ખબર હશે જ.