અફવા !
દર્દને દવા મળી
અગ્નિને હવા મળી
તમારી હા છે, એવી
અમને અફવા મળી.
અગ્નિને હવા મળી
તમારી હા છે, એવી
અમને અફવા મળી.
ત્રિકોણના ચોથા ખુણે બેસીને .....
ત્રિકોણના ચોથા ખુણે બેસીને તને ચાહી હતી. તારી કંકોત્રીમાં તોયે કેમ લીલીછમ શાહી હતી? નવી જ અસમંજસમાં ભીંત ફફડી ઉઠી એકાએક આંગળીને અંગુઠા વચ્ચે કોઇએ બીડી ફસાવી હતી! તેતરને કબૂતર આરામથી ચણી રહ્યા હતા, મકબરો હવામાન ખાતાની તો સાવ કોરી આગાહી હતી! મારી ટાઇટેનિક સમી છાતી ચીરીને જોઇ લે જરા હોકાયંત્રમાં ક્યાં કોઇએ લખેલી તબાહી હતી ? ગર્ભિત ઇશારો કરીને આખરી કૂમ્પળ ખરી પડી વાડને કિનારે કોઇ કુંવારી છોકરી નાહી હતી . એના ટેરવાના સ્પર્શથી પથ્થર પતંગિયુ બને છે આ વાત પહેલા પાના પર કોણે છપાવી હતી? ‘અધીર’ ગઝલમાં એટલી ઉંચી વાત કરી ગયા કે બુરજે ખલીફા પરથી કોઇ શેખે છલાંગ લગાવી હતી.
Comments
Post a Comment