અડે છે ...

આખર તારીખોમાં સદા કડકી નડે છે,
અને પહેલી તારીખે ઉધારિયા નડે છે.

ભાઈ છોકરા છૂટાં પડે કુંભના મેળામાં,
પણ પતિ-પત્ની કદી ત્યાં છૂટા પડે છે?

ભૂખ્યાજનોનો જઠરાગ્નિ જાગતો નથી,
ને અનાજ સરકારી ગોદામોમાં સડે છે.

વાંસળી, ગિટાર ને ઢોલ પણ બજે છે,
છોકરીને અડેલી હવા છોકરાને અડે છે.

પછી એની યાદોનું આખું ઝાડ ઉગે છે,
જુના પટારામાંથી ખાસ કાગળ જડે છે.

એ બોચિયાને તો ફેઈલ કરવો જોઈએ,
પેપર સારું જાય તોયે જે ખોટું રડે છે.

ભાઈ કીધો ને કંકોત્રી આપી એમણે ,
‘અધીર’ પડે છે ત્યારે સઘળું પડે છે !

Comments

Popular posts from this blog

એ તો થાય

તમે જોઈ શકો છો .. ફરી એકવાર