Saturday, August 11, 2007

...ખોઈને આવ્યો છું

દિલમાં શુળ પરોવીને આવ્યો છુ.
આંખોને નિચોવીને આવ્યો છુ.
અસ્તિત્વ ફીણ-ફીણ થઇ ગયુ મારુ
જિગરને એવુ વલોવીને આવ્યો છુ.

અંતરને આખુ ધોઇને આવ્યો છુ
હમણાંજ હું રોઇને આવ્યો છુ.
આ મુલાકાતમાં અમને શુ મળ્યુ?
એમને જ જ્યારે ખોઇને આવ્યો છુ.

શમણાંઓ તોડીને આવ્યો છુ.
થાકી ગયો, દોડીને આવ્યો છુ.
હે પ્રભુ! સામો ન મળીશ મને!
હમણાંજ હાથ જોડીને આવ્યો છુ.

સત્ય!

આપણા બેઉના સંબંધનુ સત્ય
જાણે સહરામાં નદીનું અસ્તિત્વ.

મિલનની કલ્પના,જુદાઈનું દુખ
એક અશક્ય. એક અકથ્ય.

ખુદાને જ ખબર નહોતી....

ફક્ત આછો વ્હેમ હતો કે,
પ્રેમમાં છેતરી જશે'અધીર'
દિલમાં જગા ન આપી કે,
ઝેર થઇ પ્રસરી જશે 'અધીર'

જુદા થવાની એ ઘટના !
તક્દીરનો ખેલ તો નહોતો જ્.
ખુદ ખુદાને જ ખબર નહોતી કે,
વિરહમાં મરી જશે 'અધીર'!

મળીશુ!

ઉજાગરા રુપે
આંખની લાલાશ
બની જઇશ તુ,

ને ઉંઘ આવશે તો
આપણૅ
સ્વપ્નમાં મળીશુ!

ઝરમર

આ ઝરમર વરસાદ અને તારો પ્રેમ્,
કોરો રહેવા ન દે, પુરો ભીંજવે નહીં.

Saturday, August 04, 2007

અમેરિકામાં એક વરસ!

પાણીમાં ઉડે છે, અને હવામાં તરે છે
પુછશો ના'અધીર્'અમેરિકામાં શું કરે છે!

ચીઝ પીઝ્ઝા ખાય છે,અને કારમાં ફરે છે
પગાર થોડો,'ને લાંબા-લાંબા બિલો ભરે છે!

ટીશ્યુમાં છીંકે છે,અને કાગળથી લુછે છે.
અમેરિકામાં આવાતો કાંઇક ગજબ કરે છે!

ખુદ પટાવાળો,ખુદ રામો ને ખુદ ધોબી છે,
'ગેસ સ્ટેશન' પર ખુદ પોતે ગેસ ભરે છે!

શું જુએ ગોરી છોરી'ને ભુરી આંખો 'અધીર'?
એતો હથેળીની ઘસાયેલ રેખાઓને ઘુરે છે!