દિવાળી વિક્રમ સંવત 2066નું સ્વાગત

ઇશ્વરના આશિર્વાદ હો ને,ફળે તમારી ઇચ્છા, બીજું શું?
'અધીર’ના હૈયે ને હામે દિવાળીની શુભેચ્છા,બીજું શું!

હો રાત કે દિવસ, અજવાળાની કોઇ કમી ન રહે તમને!
દોસ્ત મળે સુંદર મજાના,ને દુશ્મન હો અચ્છા,બીજું શું?

ને પછી હાથમાં કોઇનો હાથ રહે, મધુરો સંગાથ રહે,
પછી એમ બને કે રહે ન બીજી કોઇ ઇચ્છા, બીજું શું!

એનો વૈભવતો એના લાગણી ભીના શબ્દોજ છે દોસ્ત!
‘અધીર’ મોકલે તમને શબ્દો તણા ગુચ્છા,બીજું શું?


(ખલીલ ધનતેજવીના "બીજું શું?" રદીફ ગમી જતા એનો સાભાર ઉપયોગ કર્યો છે)

ગુજરાત સમાચારની લવ લેટર સ્પર્ધામાં વિજેતા કૃતિ....

જુઓ --0-0--

પેન્ટમાંથી બહાર ડોકાય છે જાંઘિયા જુઓ઼! *
મારા શહેરમાં ફેશન કાઢે છે દાંતિયા જુઓ!



હતા ઉંચાએ લટકી ગયા નીતિનિયમોમાં,
બેશરમીથી ઠેકડા મારે છે વ્હેંતિયા જુઓ!


કંઇક અલગ કરવાની એમની ધુન બસ
કે લાડુ સાથે એ ખાય છે ગાંઠિયા જુઓ.


બેટો ફરે છે બાઇક પર કળિયુગમાં
ને ત્યાં બાપ ઘસે છે ટાંટિયા જુઓ!


માતાજીની ભક્તિની ન વાત કરો 'અધીર'
બીડીના ગીત પર રમે છે ડાંડિયા જુઓ.

*http://sachinkraj.files.wordpress.com/2008/03/boys-will-be-boysss-big.jpg 

ઠેસ

માણસો, વસ્તી કે ટોળા વિષે નથી લખવું.
કુંવારી માતાના ખોળા વિષે નથી લખવું.
એમાં પણ ઠેસ મારવાની વાત આવશે
એટલેજ, આજે હિંડોળા વિષે નથી લખવું.

દિવાનગી

દઝાડતી ચાંદની ને ફુલ ડસતા હતા
દિવાનગીની વાત છે,કાંટા ગમતા હતા
હો એક બે તો વાત માંડીને કરી શકુ,
ચહ્રેરાઓ કાંઈક આંખોમાં રમતા હતા!

નવા વરસમાં કાઈંક નવુ કરજો...

તમારા હિસાબે અને જોખમે....

ફાઈલોથી આખુ ઘર ભરજો.
ને ઓફિસ જઈ લફરા કરજો!

બાઈક ઉપર બેસજો ચાર જણા,
પણ પરણવા ચાલતા જજો!

રંગ ઉડાડજો ઉતરાયણ પર!
ને હોળી પર પતંગ ચગાવજો.

ડાર્લિંગ કેહ્જો પડોસણને અને,
હિમંતથી બૈરીને કાકી કેહજો!

એવુ કરજો જે ક્યારેય કરેલ ન હોય
નવા વરસમાં કાઈંક નવુ કરજો.

'અધીર અમદાવાદી'
તરફથી
દિવાળી અને નવા વરસની શુભેચ્છા!

...ખોઈને આવ્યો છું

દિલમાં શુળ પરોવીને આવ્યો છુ.
આંખોને નિચોવીને આવ્યો છુ.
અસ્તિત્વ ફીણ-ફીણ થઇ ગયુ મારુ
જિગરને એવુ વલોવીને આવ્યો છુ.

અંતરને આખુ ધોઇને આવ્યો છુ
હમણાંજ હું રોઇને આવ્યો છુ.
આ મુલાકાતમાં અમને શુ મળ્યુ?
એમને જ જ્યારે ખોઇને આવ્યો છુ.

શમણાંઓ તોડીને આવ્યો છુ.
થાકી ગયો, દોડીને આવ્યો છુ.
હે પ્રભુ! સામો ન મળીશ મને!
હમણાંજ હાથ જોડીને આવ્યો છુ.

સત્ય!

આપણા બેઉના સંબંધનુ સત્ય
જાણે સહરામાં નદીનું અસ્તિત્વ.

મિલનની કલ્પના,જુદાઈનું દુખ
એક અશક્ય. એક અકથ્ય.

ખુદાને જ ખબર નહોતી....

ફક્ત આછો વ્હેમ હતો કે,
પ્રેમમાં છેતરી જશે'અધીર'
દિલમાં જગા ન આપી કે,
ઝેર થઇ પ્રસરી જશે 'અધીર'

જુદા થવાની એ ઘટના !
તક્દીરનો ખેલ તો નહોતો જ્.
ખુદ ખુદાને જ ખબર નહોતી કે,
વિરહમાં મરી જશે 'અધીર'!

મળીશુ!

ઉજાગરા રુપે
આંખની લાલાશ
બની જઇશ તુ,

ને ઉંઘ આવશે તો
આપણૅ
સ્વપ્નમાં મળીશુ!

ઝરમર

આ ઝરમર વરસાદ અને તારો પ્રેમ્,
કોરો રહેવા ન દે, પુરો ભીંજવે નહીં.

અમેરિકામાં એક વરસ!

પાણીમાં ઉડે છે, અને હવામાં તરે છે
પુછશો ના'અધીર્'અમેરિકામાં શું કરે છે!

ચીઝ પીઝ્ઝા ખાય છે,અને કારમાં ફરે છે
પગાર થોડો,'ને લાંબા-લાંબા બિલો ભરે છે!

ટીશ્યુમાં છીંકે છે,અને કાગળથી લુછે છે.
અમેરિકામાં આવાતો કાંઇક ગજબ કરે છે!

ખુદ પટાવાળો,ખુદ રામો ને ખુદ ધોબી છે,
'ગેસ સ્ટેશન' પર ખુદ પોતે ગેસ ભરે છે!

શું જુએ ગોરી છોરી'ને ભુરી આંખો 'અધીર'?
એતો હથેળીની ઘસાયેલ રેખાઓને ઘુરે છે!