Tuesday, April 05, 2011

ઉપરથી દબાણ છે ....

કૃષ્ણને પણ એની ક્યાં કઈ જાણ છે
પાર્થ કીધા વગર જ ચઢાવે બાણ છે

એસએમએસથી ઇન બોક્સ છલકાયું
નક્કી મિત્રને આજે પૈસાની તાણ છે.

ગૌરવ પથ પર ગાયો ફરે ગૌરવથી
આ શહેર શહેર નહિ, મોટી ગમાણ છે

અમે લોન માટે ઠેરઠેર ભટકતા રહ્યા
ત્યારે જાણ્યું સાસરૂ સોનાની ખાણ છે

ચાખી જોયા પછી એ ધીમેથી બોલ્યા
સારું થયું પગ ન પડ્યો, આ તો છાણ છે

કશુંય લીધા વગર જવા દેવી પડશે
ફાઈલ પાસ કરવા ઉપરથી દબાણ છે

'અધીર’ શ્વાસ રોકીને ચઢી જા આજે,
લીફ્ટ બંધને આઠ માળનાં ચઢાણ છે.

4 comments:

  1. suparb....vanchan no sokh na hoy topan vachvanu man thay ... thodama ganu samji jajo..--- tamaro ek prasansak.

    ReplyDelete
  2. SUPARB....VANCHAN MA RAS NA HOY TO PAN VANCHVU GAME..EVU LAKHO CHO..TAME..SASU VAHU NI SIRIYAL CHODAVINE BOLOG PAR LAI AAVO CHO TAME...--TAMARO PRASANSAK.

    ReplyDelete
  3. દોડવું પડશે "મેન્સ રૂમ" માં અધીર
    આવ્યું અમોને હવે ખુબ દબાણ છે.

    જ્યોતીન્દ્ર દવે પછી કદાચ મને તમારી રચનાઓ ગમી છે.

    ReplyDelete
  4. થેન્ક્સ હેમંત ભાઈ... :)

    ReplyDelete