ઉપરથી દબાણ છે ....

કૃષ્ણને પણ એની ક્યાં કઈ જાણ છે
પાર્થ કીધા વગર જ ચઢાવે બાણ છે

એસએમએસથી ઇન બોક્સ છલકાયું
નક્કી મિત્રને આજે પૈસાની તાણ છે.

ગૌરવ પથ પર ગાયો ફરે ગૌરવથી
આ શહેર શહેર નહિ, મોટી ગમાણ છે

અમે લોન માટે ઠેરઠેર ભટકતા રહ્યા
ત્યારે જાણ્યું સાસરૂ સોનાની ખાણ છે

ચાખી જોયા પછી એ ધીમેથી બોલ્યા
સારું થયું પગ ન પડ્યો, આ તો છાણ છે

કશુંય લીધા વગર જવા દેવી પડશે
ફાઈલ પાસ કરવા ઉપરથી દબાણ છે

'અધીર’ શ્વાસ રોકીને ચઢી જા આજે,
લીફ્ટ બંધને આઠ માળનાં ચઢાણ છે.