અનારકલી

શહેર આખાયમાં ચર્ચાય છે એક જ કિસ્સો બકા,
કે અનારકલી મુજરો મૂકીને જાય છે ડિસ્કો બકા.

તારો હાથ, તારી બોલી અને તારો જ વિજય,
લે ઉછાળ શોલેનો આ ઐતિહાસિક સિક્કો બકા.

યાદ કર, ચાંદની રાતે રણની રેશમી રેતી પર,
તેં કહ્યું’તુ કે તુ મારો જ તો છે એક હિસ્સો બકા.

તારા અધર અને ગાલોના ગુલાબી રંગ સામે
શેડકાર્ડનો ગુલાબી રંગ લાગે છે ફિક્કો બકા.

ક હ્રિતિક નો ક, અને ખ શાહરુખનો ખ બસ ?
તું કહે એ સાચું, ને તારો જ ખરો કક્કો બકા

પ્રાસની પડીકી, લે શબ્દોની ફાકી, કવિ થવા
‘અધીર’ વધારી દાઢી પહેરી લે ઝભ્ભો બકા.