હવાઇ ગયો છું !

સોનેરી તડકો હમણાં જ તો ગજવામાં ભર્યો,
તમે ઉડી ગયા ને ઘડીમાં હવાઇ ગયો છું !

ગાયના મોઢામાં ગયેલ છાપું હતો કે પછી
રાહુલ-ડિમ્પીની ખબર,મુદ્દે ચવાઇ ગયો છું !

બાગેશ્વરી,બસંત કે બિહાગ,એમાંનો નથી
હું જે છુ તે, હિમેશના નાકે ગવાઇ ગયો છું.

તારા શહેરના બેવકુફો વચ્ચે રહી ખરુ કહુ,
કાટ લાગ્યો ભેજા પર, ને કટાઇ ગયો છું !

હાઇડ્રોજન અને સ્ટુપીડીટીની જેમ હુ પણ
ચારેકોર, બધે ને સર્વત્ર છવાઇ ગયો છું !

કોમનવેલ્થ,સડકો કે પછી હો ભુવામાં,
હું દેશનો પૈસો છુ,અને ખવાઇ ગયો છું !